بسمة قلبى ......... اسلام الحسينى

كفاية كلام ... كفاية خصام ... خلينا نعيش أجمل أيام
مش احلام .. مش احلام ... على طول هنعيش فى شوق وغرام

الدنيا معاك مش سيعانى .... أصلى بحبك وألاقيكى حبانى
قبل ما أقولك مكنش فى بالى ... إن فى قربك يحلو زمانى
وأنا ياما قبلك كنت وحدانى ... نسيتى الوحدة يا حبيبتى مكانى

مش عارف انام ... مش ممكن انام ... و حبيبى يا ناس منى زعلان
وانا الغلطان ... أكيد غلطان ...لو أزعل حبيبى ما ابقاش انسان

مهما لفيت ورحت وجيت .... فى الدنيا مفيش... والله مافيش زىيك يا عيونى ... ما تزعليش
ما انا لازم اغير ... عليكى بغير ... من نفسى حتى عليكى هغير .. أصلى لقيتك اجمل واحدة
وفى كل صفاتك والدنيا شاهدة

بشوف منك اجمل بسمة
وعينيك مرسومة اجمل رسمة

بسمة قلبى وروحى وكيانى .... فى حبك ما بقتش خلاص وحدانى
بسمة قلبى وروحى وكيانى ...... ليكى عمرى و شوقى وحنانى


كفاية كلام ... كفاية خصام ... خلينا نعيش أجمل أيام
مش احلام .. مش احلام ... على طول هنعيش فى شوق وغرام

نورت المكان يا اسلام

عندك موهبه جميله

بس نصيحه ابعد عن اللحن وانت بتكتب

متتخيلش اغنيه وتكتب زيها

واحده واحده وحتتعلم معانا ان شاء الله

تسلم ايدك

انا ما تخيلتش اغنية
ديه انا كاتبها وملحنها فى وقت واحد

واضح فيها انها بلحن

بس الطريقه الصح يااسلام

انك تكتب الاغنيه علي وزن معين وتقسيمه صح وبعدين تبدأ تلحن

او تجيب لحن وتكتب عليه اغنيه بتقسيمه صح

الاغنيه جميله اوي

بس اللحن سرق من الكتابه

حاول تركز فالكتابه كبدايه

تمام عندك حق ......... الف شكر يا فنان

الله عليك يا اسلام كلام رقيق جدا

واتمنالك مستقبل باهر ان شاء الله بس انت المهم

تفضل فى المجال دهوانا حاسس انك هتنجح

ربنا يخليك يا مان

الله ينور يا اسلام جميل بجد
بس زي مبيقولك هاني كده
بلاش تحط الكلام عل اللحن
اكتب عادي بشكل سلس
وكلام موزون متأيدش نفسك
وربنا يوفقك ياعسل

احساسك عالي اوي فالكتابة يا اسلام ماشاء الله
بس خد بالك من الملاحظات اللي هاني قلهالك كويس
ربنا يوفقك ومستني جديدك

ميرسى ليكوا يا جماعة