اول مالمستني

اول ما لمستني
************

الدنيا دي هيا هيا ولا انت خطفتني
ودتني لدنيا تانيه اول ما لمستني
ببقي فيها الاميره اول ما بكون معاك
وبعيش علشانك انت وبموت لو سبتني.
انا قلبي ليه مش هو قلبي اللي اعرفه
حاسه بغرام وبجد مش قادره اوصفه
مش لاقيه حتي كلمه واحده اقولها فيه
خد قلبي مني انا قلبي عاوزاك تخطفه
م الكون بحاله واي حاجه تخوفه
حضنك امان قرب كمان حسسني بيه
*******************************
بين النجوم عاوزاك ياريت
من نور هواك ترسملي بيت
من غير مكان من غير زمان
وبشوقي تبنيه لو حبيت
عاوزاك تكون فارس عمري
عاوزاك فليلي تكون قمري
قلبي فهواك يلقي الامان
والقي معاك اللي اتمنيت
*********************
حبيبي مش لاقيه الكلام
سيب الكلام بين القلوب
يا حبيبي من كتر الغرام
انا بس بسرح فيك وادوب
واقول بحب وده يادوب
كل اللي انا بقدر عليه
***********************
　