الله عليكى

تمر السنين جرة وراها السنين
والشوق فى قلبى هو هو والحنين
وحبى ليكى كأنه بادى دنيته
كأنه لسة ماشى فى سكته
ويعلى حسى واحاول انى اسكته
لكن
واه من كلمة لكن

الشوق فى قلبى نحيتك ملوش حدود
والعشق راسم دنيتك بساتين ورود
ويوم مفارق جنتك لازم اعود
والقانى فى عز ما انا سارح فيكى
سارح فيكى
والاقى نبض قلبى بيرتجف
يوم ما التقيكى
واسمع حاجات جوة منى
بتندهك وبتشتهيكى
والقانى بقول بعلو حسى
الله عليكى

الله عليكى

اسلوبك مايل للقصيده العاميه اكتر منه للغنوه

شكرا ليك

لله ينور يا فنان كلام هايل
بس رأييى من رأى هانى برده

اشكركم على مروركم الكريم واحب اوضح حاجة انا ببعت شعر مش اغانى ولما ابعت اغانى حتعرفوها لان فى فرق كبير
تحياااااااااااااااااااااااااااااااتى

انت برنس بجد
وانا بحب اقرا كلامك جدا جدا
ياشاعر وحقيقي بجد
متحرمناش م الشغل ده
ربنا يوفقك ياصحبي

اشكرك يانور على مجاملتك الرقيقة واعتذر عن التاخير فى الرد
تحياااااااااااااااااااااااااااتى