شاعر بلا كلمات
عدد المساهمات : 46 تاريخ التسجيل : 07/07/2010 الموقع : الاسكندرية
| موضوع: لعبة بايخة الأربعاء يوليو 21, 2010 2:18 am | |
| بداتى تلعبى معايا لعبة مهياش لطيفة لعبة بايخة ومش ظريفة
وأنا رغم بحبك صح
لكن عقلى مصحصح
بزعل وافرح
واغضب واصفح
وبلوم وأنصح
لكن يوم ماتهينى كرامتى
يوم ما تحاولى تقلى فى قيمتى
يبقى البعد عنك اصلح
مهو انا مش هسمح
انى ازرع قلبك عشق
القى الغدر فى قلبك يطرح
متعيشيش دور الصدق
لان الكدب ف عينك يفضح
مهو اصل الاصل تملى بينضح
انا مش عايز اجمع واطرح
مش مستاهلة افضفض واشرح
وان كان قلبك مش هيساعنى
يساعنى بداله مليون مطرح
انا مش يويو مسكاه فى ايدك
ولاخدام من ضمن عبيدك
انا سيد سيدك
ابكى ياست الحسن ونوحى
وروحى فى داهية منين ماتروحى
كل ده برضه مش حيفيدك
اوعى عقلك مرو يقولك
انى هطاطى وامشى فى ضللك
اوعى يضللك
انا اتحمل ذل الدنيا
لكن مش هتحمل ذلك
لا ده انا اذلك
انا مش عايز جذب وشد
انا مش بحر ليه جذرومد
انا انسان وليا كيان
وعمرى مااحب السكة السد
واتقى شرى لما احتد
لجل كرامتى ابيع الدنيا
انشالله الكون راح يتهد
بتكلم جد
ومش بهزار
حبك ليا كان استعمار
وانا طول عمرى من الاحرار
حبك كان ساكنى صحيح
قبل ماقلبى يبقى ضريح
قبل ماقبره يبقى مزار
حبك طردته من جوايا
من غير ندر وحضرة وزار
انا طيب اوى
هادى اوى
مسامح اوى
لكن وقت الجد
وقت مادلعك يفوق الحد
بكون اعصار
اخلى حياتك دمار
وعمرك ليل ملوش نهار
وده اخر انذار | |
|
الشاعر هانى محمد على *ح ــــبيب ع ــــمري *
عدد المساهمات : 203 تاريخ التسجيل : 13/06/2010 العمر : 43 الموقع : HanyMohamedAli
| موضوع: رد: لعبة بايخة الأربعاء يوليو 21, 2010 12:37 pm | |
| دس قصيده حربيه اقرب من قصيده عاطفيه منور | |
|