عــاوزنــي اصـدق

عاوزني اصدق
*************
بريء براءه مش واخده عليها
ايه القساوه فين مداريها
حقيقي مش عرفاك لما
غيرت طبعك وعوايدك
وبقيت حنين بعديها.
عاوزني اصدق انك صحيت
م النوم ياروح قلبي لقيت
نفسك بقيت مشتاق ليا
كان نفسي اصدق بس ياريت
ده كلام ميتقلش فحواديت
ولا حتي يتغني ف اغنيه
حقيقي كان نفسي اصدق
بس اعمل ايه مش بايديا
**********************
دقت الحنان د انا م الاول
بس الحنان عمره ما طول
وعارفه اول بس ما اقول
انا راجعه فجاه حتتحول
واشوف عذاب عمري ما شفته
وافضل ما بين قلبي وحيرته
طب ليه بقي ابدأ م الاول
**********************