والا جمال؟

موضوع: والا جمال؟ الجمعة فبراير 25, 2011 12:44 pm

دى قصيدة كتبتها اول يناير2011 واعتقد معدش ليها لازمة الان
سيدى الرئيس
مقدمه لسيادتكم
أشرف خميس
مواطن مصرى
اصيل مش خسيس
جدى مات
فى حفر القنال
وابويا مات
فى حرب السويس
وخالى سعيد
وعمى سعد
ماتوا وهم بيبنوا السد
وامى ماتت
فى تفجير الاتوبيس
ومعدش فاضل الا انا
وكل اللى حيلتى
فانلة وقميص
وشنبر نضارة مكسور
مع انى شاركت
فى حرب العبور
وانا مش عايز نيشان
ووسام
وبحب التوام ابراهيم
وحسام
ولاحتى عايز
وظيفة ومال
ولاعندى نفس
اربى العيال
انا بس عايز
ارسى على حال
حتمسك سيادتك
والا جمال؟ lol!