شاعر بلا كلمات
عدد المساهمات : 46
تاريخ التسجيل : 07/07/2010
الموقع : الاسكندرية
 |  موضوع: افهمك ازاى؟  الجمعة يوليو 09, 2010 5:24 pm | |
| افهمك ازاى؟
انك حياتى بكل مافيها
وانك ليالى الشوق فى اسمى معانيها
وانك عيونى وعقلى وجنونى
وانك دعوتى اللى بدعيها
افهمك ازاى؟
انك فى عينى ست النسا
وانك حنانى فى عز القسا
وانك اهاتى وعمرى اللى اتى
وانك قمرى فى عتمة مسا
افهمك ازاى؟
انك شقاوة عمرى اللى فات
وانك فى قلبى حاجات وحاجات
وانك زمانى وعشوقى وحنانى
وانك شقاوة وسحر النايات
افهمك ازاى؟
انك لقلبى ريسيفر وريموت
وانك لعمرى زمان مايفوت
وانك براءتى وخوفى وجراءتى
وانك هوايا ومن غيرك اموت
افهمك ازاى؟
انك اجمل جميلات الكون
وانك بسحرك تجنى الجنون
وانك بريئة وناعمة ورقيقة
وانك حقيقة بتسبى العيون
افهمك ازاى؟
انك ملاك وسط البشر
وانك تهزى قلب الحجر
وانك شقاوة وخفة وحلاوة
وانك حالة ياريت تنتشر
افهمك ازاى؟
انك قوية بس بحنان
وانك زكية بس بجنان
وانك نبيلة هادية وجميلة
وانك نبع حب وحنان
افهمك ازاى؟
| |
|
الشاعر هانى محمد على
*ح ــــبيب ع ــــمري *
عدد المساهمات : 203
تاريخ التسجيل : 13/06/2010
العمر : 43
الموقع : HanyMohamedAli
| | موضوع: رد: افهمك ازاى؟ الجمعة يوليو 09, 2010 5:31 pm | |
| الله ينور ياشاعر
اتمنالك مزيد من التألق | |
|
