www.hanymohamedali.ahlamontada.com
أهلا وسهلا بك زائرنا الكريم فمنتدى HanyMohamedAli
إذا كانت هذه زيارتك الأولى للمنتدى فيرجى التكرم التسجيل

www.hanymohamedali.ahlamontada.com

هانـــى محمــد علـــى
 
الرئيسيةاليوميةمكتبة الصورس .و .جبحـثالأعضاءالمجموعاتالتسجيلدخول

شاطر | 
 

 مـــــــــو 2010 ســـــــــم  

اذهب الى الأسفل 
كاتب الموضوعرسالة
AstekA
مدير عام


عدد المساهمات : 143
تاريخ التسجيل : 21/06/2010
العمر : 31

مُساهمةموضوع: مـــــــــو 2010 ســـــــــم     الخميس يوليو 01, 2010 8:21 pm




[SIZE="2"]



صيف 2010
كلنا شوفنا اعلانات كل الافلام اللي نازله الموسم ده


كنت متحمسه جدا اشوفهم كلهم


بداية مع عسل اسود لاحمد حلمي
فيلم مش على مستوى افلام احمد حلمي المعتاده

الكوميديا فيه قليله جدا وسطحية المستوى مقارنة بالكوميديا البسيطة اللي تموت م الضحك المعتاده من احمد حلمي


بيتكلم فيه عن معاناة الناس المصريين اللي بيجو مصر
وبيحصلهم ايه من استغلال واستعباط وبهدله وعدم فهم لاغلب الكلام

جاب حجات سلبية عن مصر
بس فالاخر جاب ايجابيات ولو كانت محدوده جدا

مش عارفه ليه مستوى الفيلم مش اوي
مطلعتش راضية عنه 100% زي ما متعوده مع اني من محبين حلمي جدا


بعد كده شوفت نور عيني
فيلم اتعملت عليه هيصه كبيرة كانت كفيلة بعمل الدعاية المطلوبه لتامر
حصلت حجات كتيرة جدا قبل ما يتعرض خلت الناس مستنياه ينزل وانا منهم طبعا


القصه فيه قصيرة جدا
اللي يشوفه يحس ان اللي كاتب القصه عاوز يحط فيها كل حاجه
دراما واكشن ورومانس وكوميدي
يعني لو جينا نصنف الفيلم منعرفش نصنفه ايه بالظبط تحت اي نوع

الكوميدي فيه كان كويس نوعا ما
بس الافيهات اغلبها معروفه ومتداوله
مع انها افيهات متعمده و واضح جدا كده

بس كان تمام شويتين
الناحية الدرامية فالفيلم كانت عاليه ومتقنه
الاكشن اللي لازم تامر يعمله في اي فيلم مش هنتكلم عنه Very Happy


الفيلم حسيته قصير
وخرجت منه مش حاسة باحساس معين مش عارفه
متعودة اخرج م اي فيلم عندي احساس معين مرتبط بالفيلم ده

ياحزن ع النهاية زي ما حصل مع فيلم احمد حلمي الصيف اللي فات

او كمية ضحك رهيبة زي ما حصل مع فيلم طير انت للبطل احمد مكي



نيجي بقى لفيلم النكد المطلق للصيف ده فيلم بنتين من مصر
اللي يشوف الاعلانات بردو يحس انه هيشوف فيلم اوفر شويتين

الحاجه اللي خلتني ادخل الفيلم اني سمعت كلام غريب بيتقال فيه
غريب بالنسبه لتوقيت العرض وبالنسبة بردو للموضوع اللي بيتكلمو عنه
وبالنسبة لزينة اللي ادوراها خدت اتجاه تاني خالص غير اللي اتعودنا عليها فيه
زي ما يكون تحدي بينها وبين نفسها بتثبت فيه انها ممثلة متتعدده المواهب
وعندها امكانية اداء اي دور مهما كانت متطلباته


كان فيلم واقعي جدا
بس بردو كان فيه شوية حجات تحسها زياده ومش موجوده بالصورة دي

في حتة فالفيلم دكتورة اجنبية بتسأل مجموعه بنات بيشتغلو دكاتره فمستشفى
انتو كلكم مش متجوزين؟
قالو اه كلنا مش متجوزين
قالتلهم وده بس فوسط مجتمع البنات الدكاترة بيتأخر جوازهم
قالولها لاء ده كله دكتورة او مدرسة او اي حاجه
كلنا مبنتجوزش

مصورين فالفيلم خلفية عن البنت المصرية انها عانس وهتموت وتتجوز اي حد من غير اي شروط
حسسوني ان الرجالة خلصت خلاص واننا في خطر حقيقي

يعني زي ما بنقول كده ان اللي عندها راجل ضمناه تحمد ربنا كل يوم 100 مره وتبوس ايديها وش وظهر


فيلم مأساوي على المستوى الشخصي
خرجت منه وانا زعلانه جدا




نيجي لفيلم ياسمين عبد العزيز
اولا اسمه غير مستساغ
ايه التلاته يشتغلونها
كلمه حد يشتغل حد دي من لهجة شباب الكول
متنفعش ابدا تبقى عربي فصحى

دي اول حاجه
الفيلم فيه شخصيات كتير عملتها ياسمين
تخلي اللي بيتفرج يجيله تشتت
واللي هيدخل الفيلم هيحس انه مفيش ترابط بين الشخصيات دي
تحسهم كل واحده منفصله عن التانيه وبتخش فجأة من غير مقدمات
زي فالاول لما اتغيرت من نجيبة البنت الكلاسيك اللي متعرفش حاجه فالدنيا لـ هانا مونتانا
جت بطريقة هبله مش فاهمه اتغيرت لسه وعلى اساس ايه بردو

مستوى الفيلم غالبا ينفع للاطفال
او المراهقين اللي رايحين شلة سوا كده وعاوزين يضحكو شوية وياكلو بوب كورن


مستواه مش اوي
بس عامة ياسيمين هتبقى منافس شديد للرجاله
يعني كممثلة تاخد بطولة كوميديه مطلقة دي بحد ذاتها انجاز مسبوق ليها هيا نشهدلها بيه



فيلم اللمبي جيت ادخله واقطع تزاكر
وغيرت رأيي في اخر لحظه
لقيت الناس اللي جاية تحجز كلها اطفال وميتعدوش على صوابع الايد الواحده
بطلت ومدخلتوش
وكويس من حسن حظي مدخلتش

الواحد مش ناقص شلل بجد
مي عز الدين واضح جدا انها بتعمل حاجه فقالب مش لايق عليها بجد




الاجنبي
شوفت فيلمين منهم
فيلم الكابوس
رعب بس دموي ومتقبل نوعا ما
مش الرعب اللي يخلي الواحد مينامش فالليل نو
الرعب اللي بمجرد ما تخرج م السينما تنساه اصلا


شوفت فيلم امير فارس مش اخو ميريام فارس لاء Very Happy
اسم الفيلم كده امير من دولة فارس
اجنبي بردو
حلو وانتاجه متكلف بجد وفيه حدوته

بس نمت فنصه بقى ومشوفتش حصل ايه فالاخر Very Happy




حاليا مستنية انا فيلم لا تراجع ولا استسلام لاحمد مكي

دي البطل القادم بجد
وهيكتسح شباك التزاكر وهفكركم وتقولو استيكا قالت




شوفتو ايه من الافلام
وياترى مستواها زي ما كنتو متوقعينه
راضي تماما عن اللي شوفته وللا في رايك انهم كانو ممكن يبقو احسن من كده؟؟؟




ادخلو وارغو



منورين


سلام انا بقى
Very Happy
[/SIZE]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الشاعر هانى محمد على
*ح ــــبيب ع ــــمري *
avatar

عدد المساهمات : 203
تاريخ التسجيل : 13/06/2010
العمر : 37
الموقع : HanyMohamedAli

مُساهمةموضوع: رد: مـــــــــو 2010 ســـــــــم     الخميس يوليو 01, 2010 8:29 pm

منوره يا استيكا مكانك



منوره


عدل سابقا من قبل الشاعر هانى محمد على في السبت يوليو 03, 2010 1:47 am عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hanymohamedali.ahlamontada.com
dahab41
king of romance
avatar

عدد المساهمات : 76
تاريخ التسجيل : 21/06/2010

مُساهمةموضوع: رد: مـــــــــو 2010 ســـــــــم     الخميس يوليو 01, 2010 8:39 pm

اولا اهلا بيكي يا سمر بجد توبيك هااااايل اوووووووووووووي
انا بقي عن نفسي مدخلتش ولا فيلم Very Happy
ا علشان الامتحانات الكليه وكده الفنان احمد مكي بجد فنان جميل جدا وانا حاسس ان فيلم لا تراجع ولا استسلام هيبقي جاااامد اما يا سمين عبد العزيز خلاص كده حجزت ليها بطوله مطلقه في عالم الكوميديا بجد جامده
وتوبيك بجد جاااااااااامد اووووووووووووووووووووووووووووي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AstekA
مدير عام


عدد المساهمات : 143
تاريخ التسجيل : 21/06/2010
العمر : 31

مُساهمةموضوع: رد: مـــــــــو 2010 ســـــــــم     الجمعة يوليو 02, 2010 6:08 pm

dahab41 كتب:
اولا اهلا بيكي يا سمر بجد توبيك هااااايل اوووووووووووووي
انا بقي عن نفسي مدخلتش ولا فيلم Very Happy
ا علشان الامتحانات الكليه وكده الفنان احمد مكي بجد فنان جميل جدا وانا حاسس ان فيلم لا تراجع ولا استسلام هيبقي جاااامد اما يا سمين عبد العزيز خلاص كده حجزت ليها بطوله مطلقه في عالم الكوميديا بجد جامده
وتوبيك بجد جاااااااااامد اووووووووووووووووووووووووووووي


التوبيك جامد اوي بوجودك يا دهب
منورني ب
جد Very Happy
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
مـــــــــو 2010 ســـــــــم  
الرجوع الى أعلى الصفحة 
صفحة 1 من اصل 1
 مواضيع مماثلة
-
» تحميل مجلة فتافيت عدد مارس 2010
» معلومات مهمه جديدة ((هل تعلم 2010))
» مصطفى الخطيب+ابو الناجي 2010
» اجميع انواع الاحدية2010
» حصريا جدول امتحانات الترم الاول كلية الحقوق جامعة الاسكندرية 2009-2010

صلاحيات هذا المنتدى:لاتستطيع الرد على المواضيع في هذا المنتدى
www.hanymohamedali.ahlamontada.com :: المنتديات العامة :: مــواضـيـع مـتـنـوعـه-
انتقل الى: