نزلي الستاره

موضوع: نزلي الستاره السبت يونيو 26, 2010 12:06 pm

نزلي الستاره
**********
نزلي الستاره وقفي الخداع
دورك انتهي ارمي خلاص القناع
خلاص بانت حقيقتك
بصي شويه فمرايتك
حتقولك زي قلبي
اللي جايلك يقولك
انياب الغدر بانت
وعليها دم قلبي
قلبي اللي شاف وساكت
وكان للأه مخبي
واستحمل ياما ظلمك
واستحمل الاوجاع
نزلي الستاره
وقفي الخداع
*************
قلبي مل المسرحيه
وحبي ليكي مش القضيه
مهما قلبي يقول بحبك
انتي حبك تمثيليه
تبتديها بشوق ولهفه
وترسمي ع الوش خايفه
واما جمهورك يصدق
يبتدي فالدمع يغرق
م النهايه المأسويه
يبقي ايه يخليني اكمل
والنهايه فكل مره
حاجه ثابته وهيا هيا
قلبي من اوجاعه قرر
يبقي فيه تغيير صغير
النهايه تكون بايده
انه ما يبقاش ضحيه
يبقي اخر كلمه قالها
قبل ما يفوت بيه اوانها
هيا كلمه الوداع
نزلي الستاره
وقفي الخداع
****************